Abdullahi Şuaybu: "Bu, hələ başlanğıcdır" (MÜSAHİBƏ)

"Kəpəz"in hücumçusu Abdullahi Şuaybu "Neftçi" ilə oyundan sonra Futbolxeber.az saytına müsahibə verib.

- İlk oyunda "Neftçi"ni məğlub etdiniz. Təəssüratlarınız necədir?

- Qalibiyyətdən məmnunuq. Bu, hələ başlanğıcdır. Oyuna köklənmişdik. Azarkeşlərimizə təşəkkür edirəm. Həmçinin, bu oyunda bizimlə birlikdə olan hər kəs öz minnətdarlığımı bildirirəm.

- Mətbuatda klubdan getməyinizlə bağlı xəbərlər yayılmışdı. Həqiqətənmi "Kəpəz"i tərk etməyə yaxın idiz?

- Əvvəl də dediyim kimi, hər şey Allahın əlindədir. Mən təkcə özüm buna qərar vermirəm. Hazırda "Kəpəz"də çıxış etməyimdən şadam. Burada oynamağa üstünlük verirəm. Əgər buranı tərk etsəm, bundan məlumatlı olacaqsınız. 

- Oyunda 3-4 qol imkanlarınız oldu ki, bunlardan istifadə edə bilmədiniz...

- Bu, hələ ilk matçdır. Biz oyuna fokuslanmağa çalışırıq. Gənc oyunçuyam, bu epizodları daha çox yaratmağa cəhd göstərəcəyəm. 

- Premyer Liqada hədəfləriniz nədir?

- Performansımızı, göstərdiyimiz oyunu bu tərzdə saxlamaq, oyuna 100 faiz köklənmək, bir hücumçu kimi tam olaraq komandama kömək etmək əsas məqsədimdir.