"Qarabağ" ÇL-də mübarizəni dayandırdı

"Qarabağ" bu gün Çempionlar Liqasının 2-ci təsnifat mərhələsində cavab oyununa çıxıb.

Futbolxeber.az saytının məlumatına görə, Ağdam təmsilçisi Bakıda Polşa "Rakov"u ilə qarşılaşıb.

Qarşılaşma 1:1 hesabı ilə yekunlaşıb. Bu komandalar arasında ilk matç Polşa klubunun 3:2 hesablı qələbəsi ilə başa çatdığında "Qarabağ" Çempionlar Liqası ilə vidalaşıb.

Qeyd edək ki, "Qarabağ" mübarizəni UEFA Avropa Liqasında davam etdirəcək və HİK (Finlandiya) / “Molde" (Norveç) cütünün məğlubu ilə üz-üzə gələcək.

UEFA Çempionlar Liqası

II təsnifat mərhələsi, cavab oyunu

2 avqust

"Qarabağ"  - "Rakov" (Polşa) - 1:1

Qollar: Fran Tudor, 52 (0:1), Redon Cica, 60 (1:1)

İlk oyun - 2:3

Baş hakim: Sven Yablonski (Almaniya)

Bakı Olimpiya Stadionu