“Jelezniçar”ın baş məşqçisi: “Komandamla fəxr edirəm”

“Son dəqiqələrdə buraxılan qola görə bir az məyus oldum. Azarkeşlərə təşəkkür etmək istəyirəm. Məncə, biz rəqabətədavamlı idik. Avropada hücuma dözməyi öyrənməlisən. Komandamla fəxr edirəm. Dəyəri 10 milyon avrodan çox olan rəqibə qarşı mübarizə apardıq. Oyuna yaxşı hazırlamışdıq, ancaq beş oyunçumuz yox idi. Daha bir neçəsi zədə səbəbindən sıradan çıxıb”.

Futbolxeber.az saytının məlumatına görə, bu sözləri  “Jelezniçar”ın baş məşqçisi Nermin Başiç UEFA Konfrans Liqasının 2-ci təsnifat mərhələsində evdə “Neftçi” ilə 22 hesablı heç-heçə etdikləri ilk oyunundan sonra mətbuat konfransında deyib.

“Avropada üç oyun keçirib, uduzmamaq və altı qol vurmaq kiçik bir şey deyil. Düşünürəm ki, bu komanda həqiqətən də əlindən gələni etdi. Azarkeşlər fəxr etməlidirlər. Bizə hələ çox çalışmaq lazımdır”, - deyə o bildirib.

Mütəxəssis daha sonra söyləyib: “Əgər Mutu topa sahib olduqları üçün daha yaxşı olduqlarını düşünürsə, onu təbrik edirəm. Amma “Atletiko” da topa çox sahib deyil, amma kubok qazandılar”.

N.Başiç “Neftçi”nin güclü komanda olduğunu vurğulayıb: “Rəqib oyunçuları yaxşı bağladıq. Sadəcə, son dəqiqələrdə bir az risk etdik. Hakim oynamağa icazə verdiyi üçün temp yüksək idi”.