Elmar Baxşıyev: “Bizim çempionatda elə penalti vermirlər”

“Bilirdik ki, bizi ağır oyun gözləyir. “Omoniya” təcrübəli komandadı. Heyətində yaxşı futbolçular var. Biz isə yeni komandayıq. Lakin düşünürəm ki, komandam bu gün istəkli idi və meydanda görmək istədiklərimi verməyə çalışırdı”.

Futbolxeber.az saytının məlumatına görə, bunu “Qəbələ”nin baş məşqçisi Elmar Baxşıyev UEFA Konfrans Liqasının ikinci təsnifat mərhələsinin ilk oyunu çərçivəsində “Omoniya”ya 2:3 hesabı ilə uduzduqları oyundan sonra keçirilən mətbuat konfrasında deyib.

- Sanki əvəzetmələri bir qədər gec etdiz...

- Heyətimiz o qədər də geniş deyil. Ehtiyatda əsasən akademiyanın gənc futbolçuları yer almışdı. Yeni transferlər də hələ tam hazır deyillər.

- Cavab oyunu üçün şansları necə dəyərləndirirsiz?

- Bu oyun göstərdi ki. “Omoniya”ya qarşı oynamaq olar. Nə qədər güclü olsalar da, boşluqlar verirlər. Cavab matçında da əlimizdən gələni edəcəyik.

- Uzun müddət sonra “Qəbələ”nib u gün xeyli sayda azarkeş dəstəkləyirdi...

- Azarkeşlərə təşəkkür edirəm. Bu gün bizə yaxşı dəstək verdilər. Ümid edirəm ki, gələcəkdə də belə olacaq.

- Bu gün uğur qazanmaq üçün nə çatışmadı?

- Oyun keyfiyyəti yaxşı idi. 1:0-dan sonra 2-3 qol şansımız var idi. Onları dəyərləndirsəydik, nəticə fərqli olardsı. İndiki məqamda oyunu düzgün analiz edib cavab matçıan hazırlaşmalıyıq.

- Hər 3 qolu standart vəziyyətdən buraxdız...

- Elədi. Amma qapıçımıza inanırıq. Standart vəziyyətlər üzərində işləmişdik. Bezusun fərdi keyfiyyətlərini komandaya çatdırmışdıq. Oyunçunun ustalığını da nəzərə almaq lazımdı.

- 75-ci dəqiqədən sonra oyunda temp düşdü. Sanki hər iki tərəf 2:2-yə razılaşmışdı.

- Bəzən oyun gedə-gedə nəticə tempə təsir edir. Müdafiədə oturmamışdıq. Tempin düşməyi iki komandadan asılıdı. Həm də matçın sonlarında tempin düşməyi normaldı.

- Penalti epizodunu necə şərh edərdiz?

- Epizoda tam dəqiqliyi ilə baxmamışıq. Lakin deyə bilərəm ki, bizim çempionatda elə penalti vermirlər. Halbuki az sonra oxşar vəziyyət rəqibin qapısı qarşısında da yaşandı. Bununla belə, penalti epizodu üzərində çox dayanmaq istəmirəm.

- Cavab oyunu üçün hansısa planınız var?

- Büdcəmiz imkan versəydi, daha 3-4 futbolçu götürərdik. Lakin bu heyətlə davam edəcəyik. Futbolçularıma inanıram.

- Bu heyət növbəti mövsüm avrokuboklar uğrunda mübarizə aparmaq üçün yetəcək?

- Ümidsiz deyilik. 8-9 futbolçu komandadan gedib. Yeniləri heyətə otuzdurmaq lazımdı. Çempionatda iddiamızdan əl çəkməyəcəyik.