“Omoniya”nın baş məşqçisi: “Birinci hissədə "Qəbələ", ikincidə isə biz daha yaxşı oynadıq"

“Komandamı təbrik edirəm. Yaxşı nəticə qazandıq. Düzdü, ilk hissədə çoxlu səhvlərimiz oldu. Bundardan nəticə çıxarmalıyıq. İki rahat qol buraxdıq. Mərhələ iki oyundan ibarətdi. İndi cavab matçına hazırlaşmalıyıq”.

Futbolxeber.az saytının məlumatına görə, bunu “Omoniya”nın baş məşqçisi Sofronis Avqousti UEFA Konfrans Liqasının ikinci təsnifat mərhələsinin ilk oyunu çərçivəsində “Qəbələ”ni 3:2 hesabı ilə məğlub etdikləri oyundan sonra keçirilən mətbuat konfrasında deyib.

Daha sonra o, sualları cavablandırıb.

- “Qəbələ” sizi nə iləsə təəccübləndirə bildi?

- Rəqibdən elə bu cür oyun gözləyirdik. “Qəbələ”nin oyun fəlsəfi məhz belədi. Əks hücumlarda çox yaxşı təsir bağışlayırlar. İlk qolda da bunu gördük.

- İlk hissə ilə müqayisədə “Omoniya” ikinci yarıda daha yaxşı oynadı. Fasilədə nələri dəyişdiz?

- Nəticəyə görə sevinirik. Qapımızda gördüyümüz erkən qola yaxşı reaksiya verdik. İkinci dəfə fərqləndikdən sonra gördük ki, daha çox qol vura bilərik. Razıyam ki, ilk hissədə xeyli səhvə yol verdik. Bu, bizim üçün vacib qələbədi. Cavab oyununda azarkeşlərimizin dəstəyinə arxalanırıq.

- Bu gün yalnız standart vəıziyyətlərdən fərqləndiz. Oyun planında “Qəbələ” daha yaxşı görünürdü. Cavab oyununda daha güclü “Omoniya” görəcəyimizi düşünmək olar?

- İlk hissədə “Qəbələ” daha yaxşı oynayırdı. Birdən artıq qol vurmaq üçün şansları vardı. Lakin fasilədən sonra üstün tərəf biz idik. İkinci görüşdə daha yaxşı “Omoniya” görəcəksiz.

- Standart vəziyyətdən bu gün iki qol vurduz. Halbuki ötən mövsüm bunu görmürdük...

- Əlbəttə ki, standart vəziyyətlər komandaya kömət etməyin yollarından biridi. Roman Bezus cərimə zərbəsindən 2 möhtəşəm qol vurdu. Bu da onun keyfiyyətini göstərir.