“Qəbələ” - “Omoniya”: Satışda cəmi 100 bilet qalıb

Bu gün UEFA Konfrans Liqasının ikinci təsnifat mərhələsi çərçivəsində keçiriləcək “Qəbələ” - “Omoniya” oyununa bilet satışı davam edir.

Bilet satışının həyata keçirildiyi “Qəbələ”nin fan-şopunun əməkdaşı Cavad Şəriflinin Futbolxeber.az saytına verdiyi məlumata görə, hazırda satışda cəmi 100 bilet qalıb. Həmin biletlərin də matçın startına kimi satılacağı şübhə doğurmur.

C.Şərifli qeyd etdi ki, əvvəldən 1700 biletin satışa çıxarılması nəzərdə tutulsa da, sektorlardan biri qonaq azarkeşlər üçün ayrılıb. Bu səbəbdən də satışa cəmi 1600 bilet çıxarılıb ki, onlardan da 1500-ü artıq satılıb.

Qeyd edək ki, “Qəbələ” - “Omoniya” matçı bu gün 20:00-da start götürəcək. 

İBRAHİM, Qəbələ