5 Aprel 2025, Şənbə
XXIX turun hakim təyinatları
“Qəbələ” Premyer Liqada!
Millimizin heyəti açıqlandı
Millimiz FİFA reytinqində gerilədi

Ölkə futbolu

"Sumqayıt"ın pakistanlısı: "Azərbaycan dilində bəzi sözləri artıq öyrənmişəm"

“Bura gələndə çempionat və klub haqqında çox şey bilmirdim”.
 
Futbolxeber.az saytının məlumatına görə, bunu “Sumqayıt”ın futbolçusu İsa Suliman klubun mətbuat xidmətinə açıqlamasında deyib.
 
Yay fasiləsində Portuqaliyanın “Vitoriya” klubundan transfer edilən pakistanlı müdafiəçi yeni komandası barədə məlumatlar toplamaq üçün komanda yoldaşlarına çoxlu suallar verdiyini bildirib: “Burada olmaqdan çox xoşbəxtəm. Komandada hər kəs qonaqpərvərdir. Toplanış boyunca məşq və matçlar zamanı bir-birimizin oyun tərzini daha yaxşı anlamağa çalışdıq. Bir sıra istedadlı oyunçularımız var. Ona görə də mövsümün başlamasını səbirsizliklə gözləyirəm. Bura barədə daha çox məlumata sahib olmaq üçün düşərgədəki hər kəsə çoxlu suallar verirəm. “Sumqayıt”da çıxış etmiş futbolçulardan birini tanıyıram. O, mənə klub haqqında ancaq müsbət fikirlər söyləyib”.
 
Pakistan millisinin mərkəz müdafiəçisi artıq Azərbaycan dilini öyrənməyə başladığını diqqətə çatdırıb: “Yaxşı çıxış etsək, daha çox imkanlarımız olacaq. Hazırda yeganə diqqətim “Sumqayıt” üçün hər şeyi vermək və klubun nail olmağa çalışdığı məqsədlərə çatmaqda kömək etməkdir. Oyunçularla ünsiyyət qurmaq çox asandır. Çoxu ingilis dilində danışır. Amma meydanda mənim əsas güclü cəhətlərimdən biri danışmaq və təşkilatlanmaqdır. Azərbaycan dilində bəzi sözləri artıq öyrənmişəm. Prioritetlərimdən biri meydanda istifadə etməli olduğum açar söz və ifadələri öyrənməyə çalışmaqdır”.
 
İsa Suliman yeni mövsümün startını səbirsizliklə gözlədiyini söyləyib: “Azarkeşlərimizə demək istəyirəm ki, mövsümün ilk oyununda sizi stadionda görməyi səbirsizliklə gözləyəcəyəm və biz əlimizdən gələni edəcəyik”.
 
 







Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30