"Araz Naxçıvan"da yeni məşqçi

Vadar Nuriyev qarşıdakı mövsümdə “Araz-Naxçıvan”ın məşqçilər korpusunda yer alacaq.

Futbolxeber.az saytına klubun mətbuat xidmətindən verilən məlumata görə, rəsmi müqaviləyə imza atan mütəxəssis baş məşqçi Azər Bağırovun köməkçilərindən biri olacaq. Məşqçi artıq komandanın Qəbələdəki düşərgəsindədir.

Qeyd edək ki, “Araz-Naxçıvan”da Vadar Nuriyevdən başqa Rail Məlikov köməkçi, Miloş Yevtiç fiziki hazırlıq, Araz Bağırov analitik, Əfran İsmayılov seleksiya, Ramiz Kərimov qapıçılarla işləyən məşqçi vəzifəsini yerinə yetirəcək.

Xatırladaq ki, V.Nuriyev dünən "Neftçi"dən ayrılıb. O, Bakı təmsilçisində seleksiya şöbəsinin üzvü idi.