Ölkə futbolu
Rüstəm Allahverdiyev: “Kluba sponsorların cəlb olunmasında “Neftçi TV” böyük rol oynayır”
Bu gün Azərbaycanda ilk klub televiziyası olan “Neftçi TV”nin 3 yaşı tamam olur.
Futbolxeber.az saytına müsahibəsində “Neftçi”nin Media, Marketinq və İctimaiyyətlə Əlaqələr Departamentinin rəisi Rüstəm Allahverdiyev ilk öncə kanalın yaranmasından danışıb: “2018-ci ildə belə bir fikrimiz var idi ki, ölkədə ilk klub televiziyasının əsasını qoyaq. Bu istiqamətdə işə başladıq. 2 il ərzində beynəlxalq təcrübəni öyrəndik. Həm Rusiya, həm də Türkiyə klubları ilə bu barədə danışıqlar apardıq. Onların iş sistemini öyrəndik. İlk növbədə işə hansı sistemdə başlamalı olduğumuzu bilməliydik. Çünki böyük bir maliyyəmiz yox idi. İşə kiçik büdcə ilə başlamalıydıq. Bu baxımdan vəziyyəti analiz elədik və bizə uyğun sistemi seçdik. Beləcə, 3 il bundan qabaq - 2020-ci ilin 20 iyulunda “Neftçi TV” ilk dəfə test yayımına başladı”.
Klub rəsmisi qeyd edib ki, geridə qalan 3 il ərzində “Neftçi TV” şərəfli yol keçib: “Bu 3 ilə baxdıqda deməzdim ki, asan dövr keçmişik. Müəyyən qədər çətinliklərimiz var idi. Geridə qalan müddətdə “Neftçi TV” şərəfli yol keçib. Heç kimin gözləmədiyi geridönüşlər etmişik. Çoxlarının sevimli kanalına çevrilməyi bacardıq. Daim izləyicilərin fikirlərini öyrənməyə çalışmışıq ki, səhvlərimizi bilək və onları maksimum aradan qaldıraq. Fəliyyətə kiçik kollektivlə başlamışdıq. Əslində, bu gün də kollektivimiz geniş deyil - 18 nəfərdən ibarətdi. Bu müddət ərzində tələbələrin “Neftçi TV”yə cəlb olunması, onların televiziya təcrübəsinin formalaşması bizim üçün əsas prioritetlərdən biri olub”.
R.Allahverdiyev qeyd edib ki, “Neftçi TV”nin əsas məqsədlərindən biri də uşaq futbolunun təbliğatıdı: “Bu gün “Neftçi TV” klubun gündəlik həyatında baş verənləri insanlara çatdırır. Uşaq futbolunun təbliğatında mühüm addımlar atırıq. Dünyanın bir çox yerlərindən canlı yayımlarımız olub. Valideynlər uşaq komandalarının ölkə xaricindəki oyunları məhz kanalımız vasitəsi ilə izləyirlər”.
“Neftçi”nin Media, Marketinq və İctimaiyyətlə Əlaqələr Departamentinin rəisi vurğulayıb ki, bu gün artıq “Neftçi TV”nin bəzi yetirmələri digər kanallarda fəaliyyət göstərirlər: “3 il ərzində maddi-texniki bazamızı genişləndirmişik. Əməkdaşlarımız daha da püxtələşiblər. Bu gün bir çox televiziya kanallarında keçmiş “Neftçi TV” əməkdaşları da var. Onlar fəxrlə deyirlər ki, əmək fəaliyyətinə məhz “Neftçi TV”də başlayıblar”.
R.Allahverdiyev bildirib ki, kluba yeni sponsorların cəlb olunmasında “Neftçi TV”nin böyük rolu var: “Klub televiziyası kimi fəaliyyət göstərməkdə müəyyən çətinliklər var. Qısa müddət ərzində klubdan asılılığı aradan qaldırmalısan. Çünki bu, həm də biznes layihəsidi. “Neftçi”yə sponsorların cəlb olunmasında “Neftçi TV” böyük rol oynayır. Kanalı izləyəndə görə bilərsiz ki, bir çox sponsorlarımızın kontent məsələsini “Neftçi TV” həll edir.
O, kanalın fəaliyyətindəki çətinliklərdən də söz açıb: “Digər ölkələrdə klub təkcə futboldan ibarət deyil. Daha çox idman klubu sayılırlar. Bizdə isə ancaq futboldu. Kontent yalnız “Neftçi” və klub ətrafıdı. Bu səbəbdən də ortaya yaxşı iş qoymaq heç də asan deyil. Çox düşünməlisən, elə etməlisən ki, klub ideologiyasına uyğun fəaliyyət göstərəsən, ortaya qoyduğun iş azarkeşlər tərəfindən müsbət qarşılansın. Açıq deyim ki, azarkeşlər tərəfindən bəyənilməyən verilişlər də olub. Yaxud müəyyən elə verilişlər olub ki, bizim gözləntilərimizi qarşılamayıb. Amma ümumi götürdükdə, hesab edirəm ki, maraqlı kontentlərlə gözləntiləri qarşılaya bilmişik”.
Allahverdiyev rəqib kollektivlərin də klub televiziyasının olmasını arzulayır: “Çox istərdik ki, qısa müddət ərzində digər klublar da televiziya kanalını yaratsınlar. Bu, bizim üçün də mübarizə nöqtəsi olar. Kimlərləsə rəqabət apara bilərik. Bu gün biz məcburən özümüzü “CBC Sport”, yaxud “İdman TV” ilə müqayisə edirik”.
Təxminən 1 ay əvvəl Audiovizual Şura "Neftçi TV"yə yayım lisenziyası verib. Klub rəsmisi bununla bağlı gələcək planlarını da açıqlayıb: “Bayaq da qeyd etdiyim ki, işə başlamazdan öncə qonşu ölkələrin təcrübəsini öyrənməyə çalışdıq. Elə olub ki, illərlə fəaliyyət göstərən klub televiziyaları maddi çatışmazlıq üzündən ya bağlanıblar, ya da xərclərini azaldıblar. Buna görə hər şeyi ölçüb-biçmişdik. İlk hədəfimiz yutubda yayıma çıxmaq idi. Tələbat olacağı halda yayım lisenziyası almağı planlaşdırırdıq. 3 il ərzində gördük ki, tələbat var. Qanunvericilikdə müəyyən dəyişikliklər edilməsi işimizi asanlaşdırdı. Audivizual Şuraya müraciət etdik və 6 aydan sonra lisenziya aldıq. Bu günlərdə lisenziyanı götürəcəyik və bir çox kabel televiziyaları ilə danışıqlara başlayacağıq. “Neftçi TV” qısa müddətdə kabel televiziyasında yayıma çıxacaq”.
Rüstəm Allahverdiyev vurğulayıb ki, kabel televiziyası “Neftçi TV” üçün həm də əlavə məsuliyyətdi: “Bu, üzərimizə əlavə öhdəliklər qoyur. Çünki yutubda yayımlanarkən müəyyən səhvlər olurdu. Amma həmin xırda səhvləri kabel televiziyasına çıxdıqda təkrarlaya bilmərik, maksimum diqqətli olmalıyıq. Müəyyən qədər heyətimizi genişləndirməli və maddi-texniki bazamızı kabel platforma yayımçısının tələblərinə tam uyğunlaşdırmalıyıq. Ötən mövsüm əksər oyunları 1, tək-tük matçları 2, yaxud 3 kamera ilə yayımlayırdıq. Bu mövsümdən canlı yayımlayacağımız bütün qarşılaşmaları tamaşaçılara minimum 3 kamera ilə təqdim etmək istəyirik. Təbii ki, stadionların şəraiti də buna imkan verməlidi. Bir sözlə, kontentimizi genişləndirmək istəyirik. Ümid edirik ki, “Neftçi TV” bir marka olaraq hər kəsin sevdiyi, baxdığı bir televiziya kanalı olacaq”.
Fərəc ASLANOV
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb
-
17:55
Stolüstü tennis üzrə Azərbaycan birinciliyi keçiriləcək
-
16:31
Şəhriyar gerilədi, Teymur irəlilədi
-
16:17
Musa Qurbanlı: “Hamı mənə dəstəkdir”