Həmyerlimizin komandası səfərdən 1 xalla döndü

Latviya çempionatında 22-ci turun oyunları keçirilir.

Futbolxeber.az saytının məlumatına görə, azərbaycanlı futbolçu Ramin Nəsirlinin komandası “Dauqavpils” də növbəti matçına çıxıb.

Sözügedən kollektiv səfərdə “Metta/LU” ilə qarşılaşıb. Futbolçumuzun komandası meydanı heç-heçə ilə tərk edib - 0:0.

Ramin də bu görüşün iştirakçısı olub. O, 61-ci dəqiqədə meydana buraxılıb.

Futbolçumzun komandası hazırda 22 xalla 10 iştirakçı arasında 8-ci pillədə qərarlaşıb.

Müqavilə ilə “Neftçi”yə məxsus olan Ramin “Dauqavpils”də icarə əsasında forma geyinir.