Şahin Diniyev: “Bu 3 legioner haqda ilk oyundan sonra fikirlərim müsbət oldu”

“Komandaya yeni gələn legionerlər bizimlə birgə cəmi iki məşq etmişdilər. Onlar ümumiyyətlə, “Kəpəz”ə qarşı oynamamalı idilər”.

Futbolxeber.az saytına müsahibəsində bu sözləri “Səbail”in baş məşqçisi Şahin Diniyev heyətə cəlb etdiyi yeni legionerlər barədə danışarkən deyib.

Təcrübəli mütəxəssis qeyd edib ki, legionerlər özləri “Kəpəz”ə qarşı keçirilən yoxlama matçında (2:1) çıxış etmək istəyiblər: “Özləri xahiş elədilər ki, 15-20 dəqiqə oynamaq istəyirik. Mən də dedim ki, 2-ci hissə başlayın, çətin olarsa, əvəzləyərik. Onlar keyfiyyətlərini 1-2 ötürməylə, topa təmasla göstərdilər. Düşünürəm ki, həqiqətən də gələcəkdə funksional hazırlıqları, oyun sistemlərinə düşsələr, bizə kömək edə bilərlər. Bu 3 legioner haqda ilk oyundan, iki məşqdən sonra fikirlərim müsbət oldu”.

FƏRƏC