“Kəpəz” Şuaybunun satışından 100 min dollar qazanmaq istəyib

“Bəli, Abdullahi Şuaybuya maraq var idi. Satışı üçün müəyyən məbləğ müəyyənləşdirmişdik”.

Futbolxeber.az saytına müsahibəsində bu sözləri “Kəpəz”in İdarə Heyətinin sədri İlqar Nadiri deyib.

O, baş məşqçi Azər Məmmədovun nigeriyalı futbolçunun komandada qalmasını istədiyini bildirib: “İstədiyimiz rəqəmə yaxın məbləğ təklif olundu. Lakin baş məşqçinin də fikri önəmlidir. Azər Məmmədov Şuaybunun komandada qalmasını istədi. Biz də qərara gəldik ki, onu satmayaq”.

İ.Nadiri Abdullahi Şuaybu üçün 100 min dollar tələb etdiklərini vurğulayıb: “Azərbaycan və Türkiyədən təkliflər var idi. Minimum tələbimiz var idi ki, 100 min dollar klubun hesabına keçsin. Bu tələbi tam yerinə yetirən olmadı. 80 min dollar təklif edən oldu”.

FƏRƏC