“Zaur Axundovla işləmək hər məşqçi üçün rahatdı”

"Araz Naxçıvan”ın baş məşqçisi Azər Bağırov AFFA İcraiyyə Komitəsinin üzvü, Azərbaycan Futzal Federasiyasının prezidenti Zaur Axundovun Naxçıvan klubunun rəhbəri olacağı barədə yayılan xəbərlərə münasibət bildirib.

Futbolxeber.az saytına müsahibəsində Azər Bağırov Axundovun iş prinsipinə bələd olduğunu vurğulayıb:

“Bu barədə məlumatım yoxdu. Belə bir təyinat olarsa, buna yalnız sevinə bilərəm. Çünki Zaur müəllimin iş prinsipinə bələdəm. Vaxtı ilə “Keşlə”də mən köməkçi məşqçi, o isə klubun prezidenti idi. Zaur müəllimlə çox yaxşı münasibətimiz var. Hər zaman hörmətlə yanaşmışam. Zaur Axundovla işləmək hər məşqçi üçün, hər işçi üçün rahatdı. Çünki bu halda sözü demək və yerinə yetirmək iqtidarında olursan. Onun “Araz Naxçıvan”a gəlişi çox yaxşı olardı”.

FƏRƏC