“Neftçi”nin qapıçısı xəstəxanadan buraxıldı

“Zenit”lə oyunda (1:3) xəsarət alan “Neftçi”nin qapıçısı Aqil Məmmədov xəstəxanadan buraxılıb.

Futbolxeber.az saytının məlumatına görə, bu haqda “ağ-qaralar”ın Media, Marketinq və İctimaiyyətlə Əlaqələr Departamentinin rəisi Rüstəm Allahverdiyev bildirib.

“Sport Ekspress”ə danışan klub rəsmisi qeyd edib ki, 34 yaşlı qolkiper hazırda özünü yaxşı hiss edir:

“Məmmədovun vəziyyəti yaxşıdı. O, artıq xəstəxanadan buraxılıb. Hazırda özünü yaxşı hiss edir. Bir neçə gün istirahət etdikdən sonra məşqlərə başlayacaq”.

Xatırladaq ki, “Matç TV Kuboku” çərçivəsində iyulun 1-də “Qazprom Arena”da keçirilmiş “Zenit” - “Neftçi” matçının sonlarında Aqil Məmmədov epiqastral nahiyəyə kəskin zərbə aldığından dərhal xəstəxanaya aparılmışdı.

Futbolxeber.az-ın teleqram kanalına abunə olun