Orxan Məmmədov: “Çempionatın xəritəsini genişləndirməyə çalışırıq”

“Cari mövsüm ölkə çempionatda 17 komanda mübarizə apardı. Mövsüm boyu, eləcə də finalda gərgin mübarizənin şahidi olduq. "Birbaşa" çempionatın qalibi oldu. "Zirə"nin də çıxışını yüksək dəyərləndirirəm. Bu iki komandada millinin üzvləri çıxış edir. Hər iki komanda ölkəmizi Çempionlar Liqasında təmsil edəcək. İkisinə də uğurlar arzulayıram”.

Futbolxeber.az saytının məlumatına görə, bu sözləri minifutbol federasiyasının prezidenti Orxan Məmmədov çempionatın mükafatlandırma mərasimindən sonra jurnalistlətlərə müsahibəsində deyib.

O, milli komandamız kimi, klublarımızın da Avropada uğurlu çıxış edəcəyinə inandığını bildirib: “Üçüncü yeri tutan "Qarabağ" isə Avropa Kubokunda mübarizə aparacaq. Hər üç komandanın potensialı böyükdür. Keçən il "Birbaşa" Çempionlar Liqasında uğurlu çıxış etmişdi. İnanıram ki, klublarımız da millimiz kimi Avropada uğurlu çıxış edəcək. Çempionatın xəritəsini genişləndirməyə çalışırıq. BƏƏ-də keçiriləcək dünya çempionatında Avropa çempionu olaraq gözəl nəticələr əldə edəcəyimizə inanıram".

O.Məmmədov futbol üzrə Azərbaycan Premyer Liqasında çıxış edən klublar minifutbol çempionatında təmsil olunma ehtimalında da söz açıb: “Bir neçə ay əvvəl bu təkliflə çıxış etdim ki, ən azından Premyer Liqa klublarının minifutbol komandası olsun. Klublar da bizi dəstəkləyir. Artıq "Qarabağ", "Zirə", “Suqmayıt” kimi komandalar var. İnanıram ki, bu, peşakar səviyyədə gündəmə gələcək. Bununla bağlı danışıqlar aparırıq. İstərdik ki, çempionatda peşəkar komandalar olsun, sponsorların adı ikinci dərəcəyə keçsin. İnanırıq ki, bizim bu təklifi dəyərləndirəcəklər”.

İbrahim CƏFƏROV

Futbolxeber.az-ın teleqram kanalına abunə olun