II Divizionda 12 komanda yarışacaq

“Əvəzedicilər I Diviziondan ayrıldı. Bundan sonra çempionatda cəmi 6 komanda qalırdı. Buna görə də daha 4 klub I Divizona buraxılacaq və Premyer Liqada olduğu kimi, I Divizionda da 10 komanda mübarizə aparacaq”.

Futbolxeber.az saytının məlumatına görə, bu sözləri AFFA İcraiyyə Komitəsinin iclasından sonra brifinqdə milli assosiasiyanın baş katibi Sərxan Hacıyev deyib.

O, II Divizionda 12 komandanın yarıcağını bildirib: “II Divizionun yaradılması barədə qərar rəsmiləşdi. Bu turnirdə 12 komanda yarışacaq. Bu liqanın statusu yarım peşəkar statusu daşıyacaq. Premyer Liqa, I Divizion və II Divizion bir-birinə bağlı üç liqadı. Bu turnirlərdə idman prinsipləri qorunacaq. Növbəti mövsümdə də Premyer Liqada sonuncu olan I Diviziona düşəcək, ı Divizionun qalibi isə yuxarı liqada vəsiqə əldə edəcək. Eyni qayda I Divizion və II Diviziona da aiddi. Hazırda bu format üzərində iş gedir.

Çempionatdan əvvəl bütün komandalara məlumat veriləcək. Ola bilər ki, I Divizionda sonuncu olan birbaşa II Diviziona düşsün, sonuncudan öncəki komanda isə liqada qalmaq üçün pley-offda mübariz aparsın. I və II Divizonda mübarizə aparacaq komandaların adları məlumdur. Bir qədər sonra AFFA-nın saytında siyahı yerləşdiriləcək”.