“Qarabağ” Keytanın keçidini rəsmən açıqladı

"Qarabağ" klubu yay transfer dönəmində ilk transferini reallaşdırıb.

Futbolxeber.az-ın klubun saytına istinadən verdiyi məlumata görə, Ağdam təmsilçisi "Zirə"dən ayrılan Hamidu Keyta ilə 3 illik müqavilə imzalayıb. 28 yaşlı fransalı hücumçu 17 nömrəli formanı geyinəcək.

Qeyd edək ki, Keyta bu ilin mart ayında "Qalatasaray"a qarşı keçirilən xeyriyyə matçında "Qarabağ"ın heyətində çıxış edib.

Xatırladaq ki, 28 yaşlı sol vinger 2022-ci ilin yanvarından “Zirə”də oynayırdı. O, bu komandada ümumilikdə bütün turnirlərdə 36 oyun keçirib, 8 qol vurub və 12 qolun ötürməsini edib.