4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Kamran Quliyev: "Top-5" liqalarda çıxış edən futbolçularla danışıq aparılır"

"Yaxşı transferlər etməyi planlaşdırırıq. Ciddi klublarda çıxış edən futbolçularla danışıq gedir. Hətta söhbət top-5 liqaların komandalarının futbolçularından gedir".

Futbolxeber.az saytının məlumatına görə, bunu jurnalistlərə açıqlamasında "Neftçi"nin prezidenti Kamran Quliyev deyib.

45 yaşlı funksioner baş məşqçi Laurentsiu Regekampfa inandıqlarını bildirib: "Daha güclü heyətə malik olacağıq. Dəyişməyin də mənası olmalıdır. Komanda tam da istədiyimiz oyunu göstərə bilmir. Amma biz baş məşqçiyə, futbolçulara da inanırıq. Gələn oyunçular yeni rəng qatacaqlar. Təkcə Azərbaycan Premyer Liqası üçün yox, Avropada uğur qazanmaq üçün çox ambisiyalı heyət yığırıq. Bir az gözləmək lazımdır. Artıq çox aktiv işlər gedir. Minimum 7-8 transfer olacaq. Demək olar ki, hər mövqeyə oyunçu alacağıq.Yaxşı futbolçu tapmaq çox çətindir. Hər il Sabir Buqrin və Mamadu Kane kimi oyunçu gətirmək asan deyil".

Quliyev Azərbaycan Premyer Liqasında çıxış edən klublardan 1 və ya 2 oyunçunu heyətlərinə qata biləcəklərini vurğulayıb. O, "Səbail"in qapıçısı Emil Balayev və "Qarabağ"dan ayrılan Filip Ozobiçin də "ağ-qaralar"a mümkün keçidini istisna etməyib: "Ola bilər. Hələlik hər şeyi deməyim".

Klub prezidenti Azərbaycan Kubokunu qazanacaqlarına inandığını söyləyib: "Komandaya, baş məşqçiyə və azarkeşlərə böyük ümidimiz var. Bildiyim qədər stadion da dolu olacaq. Bizim üçün çox vacib qarşılaşmadır. "Neftçi" hər zaman meydana qələbə üçün çıxır. Qalib gələcəyimizə inanıram".

O, Anatoli Banişevskinin adının 8-ci km stadionuna verilməsi ehtimalına da toxunub: "Anatoli Banişevskinin layiq olmadığı bir şey yoxdur. "Bakcell"lə müqavilə başa çatıb. Amma stadion AFFA-ya məxsusdur. Gələcəkdə burada təmir və kommersiya yönümlü işlər görməyi planlaşdırırıq. Stadiona ad vermək bir günün işi deyil. Bu, ölçülmüş qərar olmalıdır. Anatoli Banişevski və "Neftçi" adı həmişə yanaşı çəkilir".

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30