“Turan Tovuz” “Qarabağ”a çempionluq dəhlizi yaratdı

Azərbaycan Premyer Liqasının bu gün keçirilən sonuncu - 36-cı turunun matçından əvvəl “Turan Tovuz” “Qarabağ”a çempionluq dəhlizi yaradıb.

Futbolxeber.az saytının məlumatına görə, Tovuz təmsilçisi Ağdam komandasına təbriklərini bu formada çatdırıb. “Qarabağ”lı futbolçular rəqib oyunçuların qurduğu dəhlizdən keçərək, onlarla salamlaşmaqla meydana daxil olublar.

Xatırladaq ki, “Qarabağ” 10-cu dəfə Azərbaycan çempionu olub. Bu gün “Azərsun Arena”da “Turan Tovuz”la matçdan sonra “Qarabağ”a qızıl medallar və çempionluq kuboku təqdim olunacaq.