“Zirə”nin builki nəticələri hakimliklə bağlı deyil”

“Zirə”nin baş məşqçisi Rəşad Sadıqov cari mövsüm hakimlərin idarəçiliyi barədə danışıb.

Futbolxeber.az saytının məlumatına görə, Azərbaycan Premyer Liqasının 33-cü turunda “Şamaxı” ilə oyundan sonra o bildirib ki, “Zirə”nin builki nəticələri hakimliklə bağlı deyil:

“Hakimlərin bu mövsüm "Zirə"yə həddən çox mane olduqlarını deməzdim. Düzdür, bəzi oyunlarda səhvlər olub. Amma mane olduqlarını düşünmürəm. Sadəcə hakimlər imkan vermir ki, oyun getsin. 16 dəqiqə matç dayanır. Dayanmaq udan komandaya sərf edir.  VAR-da pauzalar çox olur. Buna bir əlac tapmaq lazımdır ki, oyunun tempi düşməsin. Builki nəticələrimiz sırf hakimliklə bağlı deyil”.