“Bu qələbəni “Turan Tovuz” rəhbərliyinə həsr edirik”

“Turan Tovuz”un baş məşqçisi Ayxan Abbasov Azərbaycan Premyer Liqasının XXXII turunda “Zirə” üzərində qazanılan 3:1 hesablı qələbəni “Turan Tovuz” rəhbərliyinə həsr edib.

Futbolxeber.az saytının məlumatına görə, matçdan sonra təşkil olunan mətbuat konfransında o deyib:

“Həm turnir cədvəlindəki yerimizi qorumaq, həm də Premyer Liqada qalmaq üçün vacib qələbə idi. Qarşıdakı 4 oyun bizim gələcəyimiz üçün vacibdi. Sona qədər altıncı pillədəki mövqeyimizi qorumaq üçün əlimizdən gələni edəcəyik. Azarkeşlərimizi təbrik edirəm. Rəhbərliyə təşəkkür edirəm ki, son 1 həftədə komandanın arxasında durdular, motivasiya etdilər. Məncə, bu qələbəni onlara həsr etmək olar”.