"Qrupumuzda Azərbaycan kimi güclü rəqib var"

Azərbaycan millisinin Avro-2024-ün seçmə mərhələsindəki rəqiblərindən Estoniya yığmasının baş məşqçisi Tomas Heberli turnirdə keçirəcəkləri matçlar barədə danışıb.

Futbolxeber.az saytının məlumatına görə, mütəxəssis rəqiblərin güclü olduğunu deyib: “Biz sürpriz edib, final mərhələsinə adlamaq istəyirik. Son bir neçə illə müqayisədə biz yaxşı və sabit inkişaf yolu keçmişik. Əlbəttə ki, finala vəsiqə qazanmaq çox çətin olacaq. Əgər bu baş verərsə, böyük sensasiya olacaq. Qrupda Avstriya, Belçika, İsveç, Azərbaycan kimi güclü rəqiblər var. Lakin biz özümüzə və güclü tərəflərimizə inanırıq".

Qeyd edək ki, Azərbaycan və Estoniya arasında ilk oyun iyunun 17-də Bakıda, 2-ci matç isə oktyabrın 13-də Tallində olacaq.