Höccət “Qəbələ” ilə oyunda niyə heyətdən kənarda qalıb?

“Neftçi”nin müdafiəçisi Höccət Haqverdinin “Qəbələ” ilə oyunda start heyətindən kənarda qalmasının səbəbi müəyyənləşib.

Futbolxeber.az saytının məlumatına görə, matçdan sonra təşkil olunan mətbuat konfransında “Neftçi”nin çalışdırıcısı Laurentsio Regekampf bu barədə futbolçu ilə söhbət etdiyini bildirib:

“Son oyunda Höccət özünü yaxşı tərəfdən göstərməmişdi. Onunla bu haqda danışmışam, fikrimi bildirmişəm. Höccət peşəkar futbolçudu, vəziyyəti ona izah etdim. Demişəm ki, hər an hazır olmalıdı. O, mənim üçün çox vacib futbolçudur. Eyni zamanda, onda da elə period ola bilər ki, yaxşı formada olmasın. Düşünürəm ki, ötən turdakı matçdan sonra bu gün Ömər və İsmayıl əsas heyətdə oynamağa layiq idi. Bu, mənim qərarımdı və bunu heç kim şər edə bilməz”.