Vəli Qasımov: “Hər birimiz qələbələrinin ardının gəlməsini istəyirik”

“Son zamanlar milli komandamız pis təsir bağışlamır. İstər Millətlər Liqası, istər yoxlama oyunlarında ardıcıl 5 matçdır qələbə qazanırıq. Özü də komandamız bu qələbələri yaxşı oyunla əldə edib”.

Futbolxeber.az saytına müsahibəsində bu sözləri "Şamaxı" Futbol Məktəbinin koordinatoru, veteran futbolçu Vəli Qasımov deyib.

O, qarşıda millimizi ciddi sınaq gözlədiyini qeyd edib: “Hər birimiz bu uğurlu nəticələrin davamlı olmasını istəyirik. Amma vəziyyətə real baxsaq, qarşıdakı seçmə mərhələ görüşlərində millimizin işi çox çətin olacaq. Hər halda İsveç və Avstriyanın nə qədər güclü rəqib olduğunu hamımız bilirik. Ümid edək ki, millimiz bu çətin səfər oyunlarında da yaxşı təsir bağışlayacaq”.