“Sumqayıt”ın baş məşqçisindən təbrik: “İlham Zəkiyev Sumqayıta yaraşan insandı”

“Oyun haqda danışmamışdan öncə bizim üçün xoş olan bir məqamdan söz açmaq istəyirəm”.

Futbolxeber.az saytının məlumatına görə, bunu “Sumqayıt”ın baş məşqçisi Samir Abasov Azərbaycan Premyer Liqasının XXVII turunda “Qarabağ”la oyundan sonra keçirilən mətbuat konfransında deyib.

Abasov matç barədə danışmamışdan öncə bu günlərdə Misirin İsgəndəriyyə şəhərində keçirilən Qran Pridə qızıl medal qazanan Azərbaycan paracüdoçusu İlham Zəkiyevi təbrik edib: “Çıxışıma təbriklə başlamaq istərdim. Bu gün xəbər tutduq ki, bizim dostumuz, Sumqayıtımızın fəxri İlham Zəkiyev Misirdə keçirilən Qran Pridə qızıl medal qazanıb. İlham mənim yaxınımdır, dostumdur. O, hər zaman bizə, komandamıza diqqəti ilə seçilib. Şəxsən özünü də bu gün təbrik elədim. İstədim ki, Zəkiyevi mətbuat vasitəsi ilə təbrik edim. İlham Sumqayıta yaraşan insandı. Var olsun, hər zaman fəxrimizidi. Gələcəkdə də ona uğurlar arzulayıram. Komandamızın adından İlham müəllimi təbrik edirəm”.