“Neftçi”nin baxımlı oyunu gözə çarpmır”

“Premyer Liqanın ikinci yarsında 4 tur oynanılıb. Bu müddət ərzində “Neftçi” parlaq oyun sərgiləmir”.

Futbolxeber.az saytına müsahibəsində bu sözləri “Kəpəz”in sabiq baş məşqçisi Yaşar Vahabzadə deyib.

Uzun illər futbolçu kimi çıxış etdiyi “Neftçi”nin oyununu dəyərləndirən təcrübəli mütəxəssis “ağ-qaralar” üçün hazırda kubokun daha önəmli olduğunu bildirib:

“İlk turdakı məğlubiyyətdən sonra komanda ardıcıl 2 qələbə qazandı, son turda isə “Qəbələ” səfərindən 1 xalla qayıtdı. Son turlar müəyyən qədər nəticə qazanılsa da, baxımlı oyun gözə çarpmır. Komanda bəzi futbolçuların ustalığı sayəsində nəticə qazanır. Bu isə həmişə mümkün olmur. Belə görünür ki, “Neftçi”nin məqsədi artıq çempionat yox, kuboku qazanmaqdı. Çünki “Qarabağ”la, “Sabah”la aradakı xal fərqi az deyil”.

Fərəc ASLANOV