“Neftçi”də keyfiyyətli oyunçu qıtlığı var”

“Neftçi”də keyfiyyətli oyunçu qıtlığı var. Rəqabətin olmaması səbəbindən komandada axmasalar yaşanır”.

Bu sözləri Futbolxeber.az saytına müsahibəsində milli komandamızın məşqçisi Arif Əsədov deyib.

“Neftçi”nin sabiq futbolçusu və məşqçisi olan Əsədov keçmiş klubunun  son zamanlar uğursuz çıxış etməsinə münasibət bildirib.

O, “ağ-qaralar”ın lazımi nəticələri qazana bilməməsinin səbəbini belə izah edib: “Neftçi” hələ də heyətini stabilləşdirməyib, komanda hələ də axtarışdadır, daim baş məşqçiyə yeni oyunçular təklif olunur. Qış fasiləsində də heyətdə müəyyən dəyişikliklər oldu. Bəzi futbolçular komandadan ayrıldı, eləcə də yeni gələnlər oldu. Onların da uyğunlaşması üçün müəyyən qədər zaman tələb olunur. Belə olanda isə komanda qeyri-stabillik yaşanır, bu da nəticələrə təsir göstərir”.

“Neftçi”nin heyətlə bağlı əsas problemi nədir” sualını isə Əsədov belə cavablandırıb: “Əsas problemlərdən biri təcrübəli, oyunun taleyini həll edə biləcək yerli futbolçuların yoxluğudur. Məhz bu məqam “Neftçi”nin çıxışına mənfi təsir edir”.

İbrahim CƏFƏROV