“Zirə” və "Qarabağ"dan qələbə

Bu gün Azərbaycan Premyer Liqasında 19-cu turun daha 2 oyunu keçirilib.

Futbolxeber.az saytının məlumatına görə, günün ilk görüşündə "Turan Tovuz" doğma meydanda lider "Qarabağ"ı qəbul edib. 5 qolun vurulduğu matçda qonaqlar çətin qələbə qazanıblar.  

"Zirə" isə evdə "Sumqayıt"ı sınağa çəkib. Meydan sahibləri fasiləyə məğlub yollansalar da, ikinci hissədə geridönüş edərək qalib gəliblər.

Qeyd edək ki, dünən Gəncədə start götürən XIX tura sabah keçiriləcək 2 matçla yekun vurulacaq. 

Azərbaycan Premyer Liqası

XIX tur

25 yanvar (çərşənbə)

“Zirə” - “Sumqayıt” - 3:1

Qollar: Vüsal İsgəndərli, 4 (0:1), Dimitrios Çantakias, 50 (1:1), Loris Broqno, 73 (2:1), Toni Qomes, 79 (3:1)

Hakimlər: Kamranbəy Rəhimov, Cavanşir Yusifov, Teymur Teymurov, Emin Əliyev

Zirə İdman Kompleksi stadionu

“Turan Tovuz” - “Qarabağ” - 2:3 

Qollar: Musa Qurbanlı, 10 (0:1), Runi Eva, 23 (1:1), Ramil Şeydayev, 27 (1:2), Ehtiram Şahverdiyev, 85 (2:2), Bəhlul Mustafazadə, 89 (2:3) 

Hakimlər: Fərid Hacıyev, Kamran Bayramov, Zöhrab Abbasov, Namiq Bəkirov

Tovuz şəhər stadionu

26 yanvar (cümə axşamı)

14:00.“Şamaxı” – “Səbail”

19:00. “Sabah” – “Neftçi”

24 yanvar (çərşənbə axşamı)

“Kəpəz” - “Qəbələ” - 2:2

Bombardirlər: Ramil Şeydayev ("Qarabağ") - 15 qol, Musa Qurbanlı ("Qarabağ") - 13 qol, Emin Mahmudov ("Neftçi") - 10 qol, Coy Lens Mikels ("Sabah") - 9 qol