"Özümü "Qarabağ" və "Neftçi"yə qarşı oynamağa hazırlamışam"

"Turan Tovuz"un yeni transferi Denis Marandiç bölgə təmsilçisinə keçidi haqda danışıb.

Futbolxeber.az saytının məlumatına görə, moldovalı müdafiəçi Peşəkar Futbol Liqasının yutub kanalına açıqlama kollektivin onu yaxşı qarşıladığını, həmçinin Türkiyədəki tlim-məşq toplanışlarının yaxşı keçdiyini deyib:

"Komanda yoldaşlarım məni yaxşı qarşıladılar. Burada çox yaxşı hazırlıq mərhələsi yaxşı keçdik. Ümid edirəm ki, bunun davamını çempionatda da gətirəcək və qarşıya qoyulan məqsədlərə çatacağıq. Müdafiəçi olmağıma baxmayaraq, hücumu gücləndirməyə də kömək etməliyəm. Əsas məqsədim rəsmi oyunlarda da yaxşı səviyyədə çıxış etməkdir. Əsas olan kimin qol vurmağı deyil, komandanın nəticələridir".

27 yaşlı futbolçu qeyd edib ki, çempionatımızda yüksək pillələrdə qərarlaşan komandaların daha əvvəl oyunlarını izləyib: "Mən "Qarabağ" və "Neftçi"ni Avropa yarışlarında da izləmişəm. Özümü onlara qarşı oynamaq üçün motivasiya etmişəm. Hesab edirəm ki, bu komandalara qarşı oynamaq çətin olacaq. Amma ən yaxşısnı göstərməyə çalışacağam".

Moldovalı oyunçu sonda "Turan Tovuz"un azarkeşləri haqqında da danışıb: "Bütün futbolçular üçün azarkeşlər önündə oynamaq xoşdur. Xüsusilə də ev oyunlarında. Mən "Turan Tovuz"un azarkeşləri haqqında eşitmişəm. Bilirəm ki, komandanın yaxşı ətraf mühiti var. Düşünürəm ki, onların qarşısında oynamaq çox yaxşı olacaq. Mən çox xoşbəxt olacağam".