"Traktor" rəsmisi Höccət Haqverdinin gedişini təsdiqlədi

Təbrizin "Traktor" klubunun baş direktoru Eyub Behtadj futbolçuları Höccət Haqverdinin "Neftçi"yə keçəcəyinə dair məlumatlara münasibət bildirib.

Futbolxeber.az saytının məlumatına görə, o, Haqverdinin klubdan ayrıldığını təsdiqləyib: "O, Azərbaycan millisinin düşərgəsində olduğundan "Traktor"un Türkiyədəki təlim-məşq toplanışında iştirak etmədi. Təbrizə qayıtdıqdan sonra isə bildirdi ki, zədə alıb. Höccət klubun müşahidəsi altında müalicə olundu, yekunda isə zədəsini sağalda bilmədi". 

Eyub Behtadj deyib ki, "Traktor"un yeni baş məşqçisi, ispan Pako Xemez gəldikdən sonra H.Haqverdiyə məşqlərdə iştirak şansı verməyib. "Ona görə də bu oyunçununun klubdan getməsi 100 faiz idi. İndi biz  Xemezdən həmin futbolçunun yerinə kimi gətirəcəyini gözləyirik".