Şahruddin Məhəmmədəliyevdən tənqidlərə cavab

“Qarabağ”ın qapıçısı Şahruddin Məhəmmədəliyev ona yönələn tənqidlərə münasibət bildirib.

Futbolxeber.az saytının məlumatına görə, 28 yaşlı qapıçı instaqramdakı səhifəsində izləyicilərinin suallarını cavablandırarkən bu məsələyə də toxunub.

“Tənqidlərin olması normaldır. Bu, bəzən düzgün nəticə çıxarmağa yardımçı olur”, - deyə o bildirib.

Xatırladaq ki, Ş.Məhəmmədəliyev bu mövsüm avrokubokların bəzi matçlarındakı səhvlərinə görə medianın və azarkeşlərin tənqidi ilə üzləşib.