"Qəbələ" və "Səbail" yarımfinalda

Azərbaycan kubokunda 1/4 final mərhələsinin cavab oyunlarına start verilib. 

Futbolxeber.az saytının məlumatına görə, ilk oyun günündə 2 qarşılaşma keçirilib.

"Qəbələ" evdə "Qarabağ"ı qəbul edib. Səfərdən heç-heçə ilə qayıdan Elmar Baxşıyevin komandası 1:0 hesablı qələbə qazanmaqla yarımfinala adlayıb.

Günün digər matçında isə "Sabah" "Səbail"lə doğma meydanda üz-üzə gəlib. İlk qarşılaşmada 3:2 hesablı qələbə qazanan Mahmud Qurbanovun komandası bu dəfə də rəqibini üstələməklə tarixində ılk dəfə ölkə kubokunun yarımfinalına yüksəlib. 

Qeyd edək ki, 1/4 finalın digər iki oyunu dekabrın 20-də olacaq. "Turan Tovuz" "Kəpəz"i, "Neftçi" isə "Zirə"ni qəbul edəcək.

Azərbaycan kuboku

1/4 final, cavab oyunları

19 dekabr

"Sabah" - "Səbail" - 0:1

Qol: Qoba Zakpa, 73

İlk oyun - 2:3

Hakimlər: Elçin Məsiyev, Zeynal Zeynalov, Pərvin Talıbov, Rəşad Əhmədov

"Bank Respublika Arena"

"Qəbələ" - "Qarabağ" - 1:0

Qol: Ramon Maçado, 71

İlk oyun - 2:2

Hakimlər: İnqilab Məmmədov, Rahil Ramazanov, Rəhman İmami, Vüqar Həsənli

Qəbələ şəhər stadionu