“Sumqayıt”ın üzvü Premyer Liqada meydana çıxan ən gənc futbolçu oldu

Azərbaycan Premyer Liqasının 17-ci turu çərçivəsində keçirilən “Sumqayıt” - “Səbail” (2:0) qarşılaşması meydan sahiblərinin futbolçusu Nihad Əhmədzadə üçün əlamətdar olub. 

Futbolxeber.az saytının klubun feysbuk səhifəsinə istinadən verdiyi məlumata görə, “Sumqayıt” Futbol Akademiyasının yetirməsi olan yarımmüdafiəçi16 yaş 144 günlüyündə adıçəkilən matçın 80-ci dəqiqəsində Todor Todoroskinin əvəzinə meydana daxil olmaqla Azərbaycan çempionatlarında debüt edib. 

Nihad, həmçinin cari mövsümdə Premyer Liqada meydana çıxan ən gənc futbolçu ünvanına sahib çıxıb.  

Xatırladaq ki, “Sumqayıt”ın tarixində Nihad Əhmədzadədən öncə Səbuhi və Rüfət Abdullazadələr də ən gənc futbolçu ünvanına sahib çıxıblar. Belə ki, baş məşqçi Samir Abasov 2017/2018 mövsümündə “Sumqayıt” FK-nı çalışdırarkən Səbuhi Abdullazadə komandanın heyətində debüt etməklə Premyer Liqanın tarixinə düşmüşdü. O zaman Səbuhinin 15 yaşı var idi.