Syomin: "Azərbaycanda futbolçular hər toqquşmada yerə yıxılırdılar"

"Qəbələ"nin sabiq baş məşqçisi Yuri Syomin "Sport-express" nəşrinə geniş müsahibə verib.

Futbolxeber.az saytının məlumatına görə, rusiyalı mütəxəssis DÇ-2022-də hakimlərin oyunun əsas vaxtına 10 və daha çox dəqiqə əlavə etməsi ilə bağlı sualı cavablandırarkən deyib:

"Doğrudur və mən bunu çox bəyənirəm! Bunu ona görə edirlər ki, futbolçular özlərini tez-tez yerə atmasınlar. Bu, hər yerdə, bir çox liqada olur. Azərbaycandakı işimi xatırlayıram: futbolçular hər toqquşmada yerə yıxılırdılar. Orada itirilən vaxtı hesablayırdım. Bəzi oyunlarda əsas vaxta 10 deyil, hətta 15 dəqiqə əlavə etmək lazım idi. Futbolçulara deyirdim ki, niyə hər toqquşmadan sonra yalandan yerə yıxılırsınız. Belədə futbolun dinamikası ölür".

Xatırladaq ki, Syomin 2013/2014 mövsümündə "Qəbələ"ni çalışdırıb.