"Zirə"dən heç-heçə, "Qarabağ" tək qolla sevindi

Azərbaycan Premyer Liqasında 17-ci tura start verilib.

Futbolxeber.az saytının məlumatına görə, ilk oyun günündə iki görüş keçirilib. 

Turun açılış matçında "Zirə" səfərdə "Şamaxı" ilə qarşılaşıb və qolsuz bərabərə qalıb.

Günün son görüşündə lider "Qarabağ" "Qəbələ"ni qəbul edib. Oyun Ağdam təmsçilçisinin 1:0 hesablı qələbəsi ilə başa çatıb.

Bununla da "Qaraabağ" xallarını 47-ə çatdırıb və qış fasiləsinə lider olaraq yollanacağı dəqiqləşib. Bu, Ağdam klubunun 9-cu qış çempionluğudur. 

Qeyd edək ki, tura 14-15 dekabr tarixlərində keçiriləcək 3 qarşılaşma ilə yekun vurulacaq.

Azərbaycan Premyer Liqası

XVII tur

13 dekabr (çərşənbə axşamı)

“Qarabağ” - “Qəbələ” - 1:0

Qol: Ramil Şeydayev, 68-pen.

Hakimlər: Kamranbəy Rəhimov, Akif Əmirəli, Rəhman İmami, İnqilab Məmmədov

“Azersun Arena”

“Şamaxı” - “Zirə” - 0:0

Hakimlər: Elçin Məsiyev, Pərvin Talıbov, Teymur Teymurov, Kamal Umudlu

Şamaxı şəhər stadionu

14 dekabr (çərşənbə)

14:00.“Kəpəz” - “Sabah”

19:00. “Sumqayıt” - “Səbail”

15 dekabr (cümə axşamı)

14:30. “Turan Tovuz” - “Neftçi”