"Səbail", "Qəbələ" və "Turan Tovuz" 1/4 finalda

Bu gün Azərbaycan kubokunda 2022/2023 mövsümünə start verilib.

Futbolxeber.az saytının məlumatına görə, ilk oyun günündə 1/8 final mərhələsinin 3 matçı keçirilib. 

"Səbail" MOİK-i darmadağın edərək 1/4 finala yüksəlib. 

"Turan Tovuz" səfərdə "Şamaxı"dan üstün olub.

"Qəbələ" isə "Araz Naxçıvan"a heç bir şans tanımayıb.

Qeyd edək ki, 1/8 final mərhələsinə sabah keçiriləcək 3 qarşılaşma ilə yekun vurulacaq. 

Bu mərhələnin matçları 1 qarşılaşmadan ibarət olacaq.

Azərbaycan Kuboku

1/8 final

22 noyabr

“Qəbələ” -  “Araz Naxçıvan” - 5:0

Qollar: Məqsəd İsayev, 29, Raman Maçado, 56, İsnik Alimi, 60, Felipe Santos, 63, Ülvi İsgəndərov, 73

Hakimlər: Kamranbəy Rəhimov, Asiman Əzizli, Şirmamed Mamedov, Namiq Bəkirov

Qəbələ şəhər stadionu

MOİK - “Səbail” - 0:4

Qollar: Franko Mazurek, 18, Ədilxan Qarəhmədov, 30, Mirabdulla Abbasov, 75, Maksim Çex, 90

Hakimlər: Əli Əliyev, Səbuhi Soltanov, Ruslan Quliyev, Elvin Bayramov
Binə qəsəbə stadionu

“Şamaxı” - “Turan Tovuz” - 0:1

Qol: Natan Oduva, 68

Hakimlər: Vüqar Həsənli, Cavanşir Yusifov, Zöhrab Abbasov, Rövşən Rəcəbov

Şamaxı şəhər stadionu

23 noyabr (çərşənbə)

14:00. “Mingəçevir” - “Zirə”

14:00. “Kəpəz” - “Sumqayıt”

17:00. “Sabah” - “Qaradağ Lökbatan”