“Neftçi” 11-ci, Milan “İnter”i çempion oldu

“Neftçi” PFK-nın U-11 komandası “Fənərbaxça” Futbol Akedamiyasının təşkilatçılığı ilə İstanbulda keçirilən Can Bartu beynəlxalq turnirində iştirak edib.

Futbolxeber.az-ın klubun saytına istinadən verdiyi məlumata görə, baş məşqçi Mahmud Əhmədovun yetirmələri İtaliyanın “İnter” (Milan, 0:3), Türkiyənin “Altay” (4:0) və “Başakşehir” (0:1) klubları ilə oyunlardan sonra “B” qrupunda 3-cü olaraq 9-12-ci yerlər uğrunda mübarizə aparmaq hüququ qazanıb.

Burada Sofiya ÇSKA-sına 0:4 hesabı ilə uduzan “Neftçi” Türkiyənin “Manisa” klubuna qalib gələrək (1:0) 11-ci yeri tutub.

Qeyd edək ki, 5 ölkədən 16 komandanın yarışdığı turnirin qalibi finalda “Qalatasaray”ı 2:0 hesabı ilə məğlub edən “İnter” olub.