Kadi: “Şəhidlərin ailə üzvlərinin yanında olmaq, onları bağrıma basmaq istərdim”

“İlk növbədə öz adımdan cəbhədə həyatını itirənlərin ailə üzvlərinə başsağlığı vermək istərdim. Ölkə üçün nə qədər çətin dönəm olduğunu bilirəm. Həqiqətən də şəhidlərin ailə üzvlərinin yanında olmaq, onları bağrıma basmaq və bununla da onlara dəstəyimi nümayiş etdirmək istərdim”.

Futbolxeber.az saytının məlumatına görə, bu sözləri "Qarabağ"ın futbolçusu Kadi Borges Avropa Liqasının qrup mərhələsinin "Nant"la (Fransa) keçiriləcək oyunu üçün təşkil edilən mətbuat konfransında deyib.

Braziliyalı yarımmüdafiəçi sabahkı matçda qalib gəlmək istədiklərini bildirib: "Çətin oyuna çıxacağıq. Bizi rəqabətli matç gözləyir. Rəqib haqqında məlumat almışıq. Ümid edirəm ki, azarkeşlər üçün yaxşı tamaşa olacaq. Bu görüşdə qalib gəlmək istəyirik".

Qeyd edək ki, sabah Tofiq Bəhramov adına Respublika stadionunda keçiriləcək qarşılaşma saat 20:45-də başlayacaq.