"Qarabağ" - "Nant" oyunu bir dəqiqəlik sükutla başlaya bilər

Avropa Liqasının qrup mərhələsində sabah keçiriləcək "Qarabağ" - "Nant" (Fransa) matçı bir dəqiqəlik sükutla başalaya bilər.

Futbolxeber.az saytının məlumatına görə, bu barədə "Qarabağ"ın baş məşqçisi Qurban Qurbanov oyundan əvvəl təşkil olunan mətbuat konfransında açıqlama verib.

Ağdam klubunun çalışdırıcısı bildirib ki, Ermənistanın törətdiyi təxribatların qarşısının alınması zamanı şəhid olan hərbçilərimizə görə matçın sükutla başlaması üçün klub tərəfindən UEFA-ya müraciət olunub.

Qurbanov əlavə edib ki, qitə futbol qurumunun hansı qərar verəcəyi sabah bilinəcək.

Xatırladaq ki, sentyabrın 15-də Tofiq Bəhramov adına Respublika stadionunda keçiriləcək qarşılaşma saat 20:45-də başlayacaq.