“Neftçi” müdafiəçisini 3 aylıq itirdi

UEFA Avropa Konfrans Liqasının III təsnifat mərhələsi çərçivəsində avqustun 11-də keçirilmiş “Rapid” - “Neftçi” matçının ilk hissəsində zədələnərək əvəzlənən Azər Salahlı “ağ-qaralar”ın sağlamlıq sponsoru olan “Liv Bona Dea Hospital”da müayinədən keçib. 

Futbolxeber.az-ın klubun saytına istinadən verdiyi məlumaat görə, həkimlərin rəyinə əsasən, 28 yaşlı müdafiəçi 5-ci ayaqdarağı sümüyünün qırığı diaqnozu ilə əməliyyat olunmalıdır.

Cərrahi əməliyyat yaxın günlərdə klubun sağlamlıq sponsorunun xəstəxanalarının birində həyata keçiriləcək və Salahlı təxminən 3 ay ərzində meydandan kənarda qalacaq.