Konfrans Liqası: Klublarımızın 3-cü mərhələdəki potensial rəqibləri

Gələn həftə Konfrans Liqasında mübarizəyə başlayacaq “Neftçi”, “Zirə” və “Qəbələ”nin üçüncü mərhələdəki potensial rəqibləri bəlli olub.

Futbolxeber.az-ın UEFA-nın rəsmi saytına istinadən verdiyi məlumata görə, "Neftçi” ikinci mərhələdə “Aris”i (Kipr) mübarizədən kənarlaşdırsa, növbəti raundda aşağıdakı bu cütlüklərdən birinin qalibi ilə görüşəcək:

“Tvente” (Niderland)

“Mölde” (Norveç) - “Elfsborq” (İsveç) cütünün qalibi

“Rapid” (Vyana, Avstriya) - “Lexiya” (Polşa) cütünün qalibi

“Hapoel” (Beer-Şeva, İsrail) - “Dinamo” (Minsk, Belarus) cütünün qalibi

“Levski” (Bolqarıstan) - PAOK (Yunanıstan) cütünün qalibi

İkinci mərhələdə Tel-Əviv “Makkabi”i isə mübarizə aparacaq “Zirə” uğur qazansa, növbəti mərhələdə aşağıda adları qeyd olunan komandalardan biri ilə üz-üzə gələcək:

“Rujomberok” (Slovakiya) - “Riqa” (Latviya) cütünün qalibi

“Kızıl Jar” (Qazaxıstan) - “Osiyek” (Xorvatiya) cütünün qalibi

“Vikinqur” (Farer adaları) - DAK 1904 (Slovakiya) cütünün qalibi

“Qzira Yunayted” (Malta) - “Radniçki” (Serbiya) cütünün qalibi

“Qomel” (Belarus) - “Aris” (Yunanıstan) cütünün qalibi

Digər təmsilçimiz “Qəbələ” isə Macarıstan “Fehervar”ını üstələsə, növbəti raundda bu komandalardan biri ilə qarşılaşacaq:

“Panatinaikos” (Yunanıstan)

“Sepsi” (Rumıniya) - “Olimpiya” (Sloveniya) cütünün qalibi

“Vlajnaya” (Albaniya) - “Universitatya Krayova” (Rumıniya) cütünün qalibi

“Koper” (Sloveniya) - “Vaduts” (Lixtenşteyn) cütünün qalibi

“Petrokub” (Moldova) - “Laçi” (Albaniya) cütünün qalibi

Üçüncü mərhələnin püşkatma mərasimi iyulun 18-də keçiriləcək. Tədbir Bakı vaxtı ilə saat 16:00-da başlanacaq.

Həmin günü Çempionlar Liqasındakı təmsilçimiz "Qarabağ"ın da üçüncü mərhələdəki potensial rəqibi müəyyənləşəcək.