“Neftçi”nin "Sivasspor"la oyununun başlama saatı dəyişdi

Türkiyənin Bolu bölgəsində təlim-məşq toplanışında olan “Neftçi”nin "Sivasspor"la keçirəcəyi yoxlama matçının saatı dəyişdirilib.

Futbolxeber.az saytının məlumatına görə, iyulun 11-də oyun Bakı vaxtı ilə saat 12:30-da başlanacaq. Daha öncə bu görüşə 16:45-də start veriləcəyi açıqlanmışdı.

Xatırladaq ki, iyulun 6-da “Sakaryaspor”la qarşılaşmış (1:1) “ağ-qaralar”ın iyulun 15-dək daha bir sınaq matçı keçirməsi nəzərdə tutulub.