Ataa Caber: "Neftçi"nin titul əldə etməsi üçün sonadək vuruşacağam"

"Neftçi"nin yeni transferi Ataa Caber paytaxt təmsilçisinə keçidi barədə danışıb. 

Futbolxeber.az saytının məlumatına görə, israilli yarımmüdafiəçi klubun rəsmi televiziyasına müsahibəsində deyib: 

"Neftçi"nin təklifini qəbul etmək çətin olmadı, çünki təklif aldıqdan sonra klubla maraqlandım. Ölkə xaricində oynamaq istəyirdim. Ona görə də bu qərarı asanlıqla verdim".

Caber məşqçi və oyunçu heyətinin onu çox yaxşı qarşıladığını bildirib: "Komandadakı ab-havanə bəyənirəm. Buradakıların hamısı peşəkardır. Bunlar mənə futbolçularla dil tapmaqda və kollektivə uyğunlaşmaqda daha çox kömək olur. "Neftçi"nin azarkeşləri haqqında çox məlumatım var. Komandaya faydalı futbolçu olmaq və qazanıla biləcək bütün titulları əldə etmək üçün sonadək vuruşacağam. Bunu sizə əminliklə deyirəm".

Qeyd edək ki. A.Caber "Neftçi" ilə 2 illik müqavilə imzalayıb.