“Sürix”in prezidenti: “Qarabağ” böyük beynəlxalq təcrübəyə malikdir”

İsveçrənin “Sürix” klubunun prezidenti Ansilyo Kanepa Çempionlar Liqasının 2-ci təsnifat mərhələsindəki mümkün rəqibləri "Qarabağ" və "Lex" haqda danışıb.

Futbolxeber.az-ın məlumatına görə, o, klubun rəsmi saytına açıqlamasında deyib:

“Lex” güclü Polşa Ekstraklasasında bir çox uğura imza atıb. Bu komandanın böyük beynəlxalq təcrübəsi də var. Eyni sözləri ikinci mümkün rəqib “Qarabağ” barədə də demək olar. Ağdam təmsilçisi Azərbaycan Premyer Liqasında uzun illərdir dominantlıq edir və böyük beynəlxalq təcrübəyə malikdir”.

Xatırladaq ki, "Lex" (Polşa) - "Qarabağ" cütünün qalibi Çempionlar Liqasının 2-ci təsnifat mərhələsində "Sürix"lə qarşılaşacaq.