Namik Ələskərov: "Səhvlərim olubsa, bağışlayın"

"Bursaspor"dan ayrılıb, "Sabah"la müqavilə imzalayan Azərbaycan millisinin üzvü Namik Ələskərov Türkiyə təmsilçisi ilə vidalaşıb. 

Futbolxeber.az saytının məlumatına görə, 27 yaşlı yarımmüdafiəçi bu barədə instaqram hesabında paylaşım edib:

"Dəyərli "Bursaspor" ailəsi və sevənləri, sizinlə unudulmaz bir il keçirdim. Nəticə istədiyimiz kimi olmasa da, komandanın uğur qazanması üçün əlimdən gələnin ən yaxşısını etməyə çalışdım. Səhvlərim olubsa, bağışlayın. "Bursaspor"un ən qısa zamanda layiq olduğu yerlərə gələcəyinə əminəm. Nəticədə qaydalara görə, klubdan ayrılmaq məcburiyyətində qaldım. Rəhbərliyə, məşqçilər və işçi heyətinə, xüsusilə də azarkeşlərə sonsuz təşəkkürümü bildirirəm".

Qeyd edək ki, Namik Ələskərov "Sabah"la 3 illik müqavilə imzalayıb.