"Gücümüz bu qədərinə çatdı"

“Çətin oyun oldu. Bu matça çox ciddi hazırlaşmışdıq. Meydana qələbə üçün çıxmışdıq”.

Futbolxeber.az saytının məlumatına görə, bu sözləri “Qəbələ”nin məşqçisi Xəqani Məmmədov Azərbaycan Premyer Liqasının 24-cü turunda evdə  “Qarabağ”a 0:2 hesabı ilə uduzduqları matç barədə danışarkən deyib. 46 yaşlı mütəxəssis istədikləri oyunu göstərə bilmədiklərini vurğulayıb: 

“Komandada itkilər var. Bu, oyunumuza çox təsir edir. Əvvəlki matçlarda da bunun təsiri olub. İstədiyimiz oyunu göstərə bilmədik. “Qarabağ”ın gücünə bələdik. Bu gün belə heyətlə çalışdıq ki, nələrsə edək. Gücümüz bu qədərinə çatdı. Əsas heyət oyunçuları zədəli olduğundan komandaya kömək edə bilmirlər. Gənc futbolçularla meydana çıxırıq və istədiyimizi göstərə bilmirik. 3-4 gündən bir oynayırıq, kubok matçları da var. Bu da bizim oyuna təsir edir. Heyət böyük olmalıdır. Çempionatın gərgin vaxtıdır. Bu gün kim daha hazırdırsa, meydanda da onlar olacaq”.