“Neftçi” Şamaxıya sabah yollanacaq

“Neftçi” Premyer Liqanın 22-ci turunda qarşılaşacağı “Şamaxı” ilə oyunun hazırlığını davam etdirir. 

Futbolxeber.az-ın klubun rəsmi saytına istinadən verdiyi məlumata görə, “Zirə” ilə görüşün ertəsi bərpa məşqi edən “ağ-qaralar birgünlük fasilədən sonra aprelin 6-da hazırlığa başlayıb.

Bu gün “Türk Hava Yolları Futbol Mərkəzi”ndə baş tutan növbəti məşqdə əsasən toplu və taktiki çalışmalar yerinə yetirilib. Flaqman sabah eyni məkanda oyunöncəsi son məşqini keçəndən sonra Şamaxıya yola düşəcək.

Qeyd edək ki, “Şamaxı” - “Neftçi” matçı aprelin 9-u saat 14:00-da Şamaxı şəhər stadionunda keçiriləcək.