Yılmaz Vural: "Təklif gəlməyib, gəlsə məmuniyyətlə qəbul edərəm"

Milli komandamızın baş məşqçisi postunda Berti Foqtsu əvəzləyəcəyi iddia edilən Yılmaz Vural ölkəmizə gəlib. Futbolxeber.az-ın məlumatına görə, "Beynəlxaq Kikboks" turnirinin açılış mərasiminə qatılan Vural yığmamızı çalışdıracağı ilə bağlı yayılan xəbərləri təkzib edib: "İndiyə kimi əcnəbi ölkələrdə çalışmamışam. Amma bura gəldim və gördüm ki, Azərbaycanın Türkiyədən heç bir fərqi yoxdur. Burada işləmək xarici ölkədə işləməyə bənzəməz. Məşqçilikdə münasibət çox önəmlidir.  Bu mənada Azərbaycandan təklif gələrsə, məmnuniyyətlə qəbul edərəm.  Ancaq mənə belə bir təklif gəlməyib. Türkiyə millisini əcnəbinin çalışdırmasına qarşı çıxdıq. Əcnəbi məşqçinin Azərbaycanda uğur əldə etməsi çətindir. Tövsiyə edirəm ki, milliyə azərbaycanlı baş məşqçi gətirilsin. Milli komanda budur ki, siz oyunçulara öz dəyərlərinizlə nəsə öyrədirsiniz. Əcnəbi isə bunu bacarmaz".