Konfrans Liqası: “Sumqayıt” və “Keşlə” tamam, “Qarabağ” davam

Bu gün Konfrans Liqasında 2-ci təsnifat mərhələsinin cavab oyunları keçirilir.

Futbolxeber.az saytının məlumatına görə, təmsilçilərimizdən "Sumqayıt" öz meydanında "Çukariçki"ni (Serbiya) sınağa çəkib Ayxan Abbasovun komandası tarixində ilk dəfə avrokuboklarda mərhələ adlamağa çalışsa da, serblərinn ilk yarıda vurduğu qollar buna imkan verməyib.

“Sumqayıt” kimi "Keşlə" də öz meydanında mübarizə aparıb. Paytaxt təmsilçisi "Soçi" ilə üz-üzə gəlib. İlk görüşdə səfərdə 0:3 hesabı ilə uduzan “Keşlə” bu dəfə də rəqibi ilə bacarmayıb - 2:4.

"Qarabağ" isə səfərdə meydana çıxıb. Ağdam təmsilçisi ilk oyunda evdə 0:0 hesablı heç-heçə etdiyi "Aşdod"un (İsrail) məğlub etməklə üçüncü mərhələyə adlayıb.

UEFA Konfrans Liqası

II təsnifat mərhələsi

29 iyul

"Sumqayıt" (Azərbaycan) - "Çukariçki" (Serbiya) 0:2

Qollar: Ndiaye Mame, 11 (0:1), Doçiç, 16 pen. (0:2)

İlk oyun - 0:0

Baş hakim: Yorgen Burxardt (Danimarka)

Sumqayıt. "Kapital Bank Arena"

"Keşlə" (Azərbaycan) - "Soçi" (Rusiya) 2:4

Qollar:  Duqandziç, 21 (0:1), Santos, 35 (1:1), Burmistrov 38 (1:2), Hacıyev, 52 (2:2), Marqasov, 70 (2:3), Duqandziç, 82 (2:4)

İlk oyun - 0:3

Baş hakim: Viktor Şimusik (Belarus)

Bakı. "ASK Arena"

"Aşdod" (İsrail) - "Qarabağ" (Azərbaycan) 0:1

Qol: Ozobiç, 6 (0:1)

İlk oyun - 0:0

Baş hakim: Novak Simoviç (Serbiya)

Aşdod. "Aşdod" stadionu