“Yüzlərlə dəstək mesajı gəlib”

"Oyundakı uğursuz penalti vuruşuna görə dünən gecə mənə yüzlərlə dəstək mesajı gəlib, müxtəlif sosial platformalardan minədək yerdə adım qeyd olunub".

Futbolxeber.az saytının məlumatına görə, bu sözləri millimizin hücumçusu Mahir Emreli "Legiya"nın "Rakuv"a qarşı superkubok oyunu ilə əlaqədar instaqram paylaşımında bildirib.

Emreli 90+3-cü dəqiqədə komandasının bərabərlik qolunu vurub (1:1). Penaltilər seriyasında isə o, zərbəni dəqiq vura bilməyib. Yekun nəticədə "Legiya" penaltilərdə məğlub olub (3:4).

M.Emreli qeyd edib ki, dəstək mesajları onun ürəyini isidib: "Buna görə mən təşəkkür edirəm. Futbol inanılmaz oyundur. Komandama gözəl oyununa və dəstəyinə görə minnətdarlığımı bildirirəm".